• مشکی
  • سفید
  • سبز
  • آبی
  • قرمز
  • نارنجی
  • بنفش
  • طلایی
فرهنگ پایداری (بازدید: 610)
شنبه 15/8/1389 - 15:35 -0 تشکر 248265
مهدی باکری نین زندگی نامه سی

آنادان اولماسی و اوشاقلیغی

 

1333 ه. ش.-ده میاندوآب‌ شهرستانیندا ایمانلی و مذهبلی بیر خانواده‌ده آنادان اولدو. اوشاقلیقدا ایمانلی بیر خانیم اولان آناسینی الدن وئردی. ابتدایی و متوسطه تحصیلینی اورمیه‌ده قورتاردی و دبیریستان دؤورونده (قارداشی علی باکری‌نین ساواک دژخیملری طرفیندن شهید اولدوغو زامانلار) سیاسی جریانلارا قوشولدو.

 

 

 

سیاسی – مذهبی جریانلار

دیپلم آلدیغیندان سونرا قارداشینین شهادتیندن چوخ ناراحات و متأثر اولسا دا دانیشگاها وارد اولوب مئکانیک مهندسلییی رشته‌سینده تحصیل آلماغا باشلادی. تبریز دانیشگاهینا وارد اولدوغو اول گونلردن بو دانیشگاهین مبارز فردلریندن بیریدی. او قارداشی حمیدی ده اؤزو ایله بو شهره گتیردی.

شهید باکری، الده‌کی محرمانه سندلره اساساً شرقی آذربایجاننین امنیت سازمانی (ساواک) کنترل و مراقبت اولونماقدایدی.

بیراز سونرا حمیدی آیری مبارزلر ایله ارتباطدا اولماق اوچون خاریجه‌یه یوللادی کی اؤلکه‌نین ایچینده‌کی مبارزلره آتشلی سیلاح (سلاح گرم) گوندرمکده فعال اولسون.

شهید مهدی باکری حضرت امام خمینی‌نین (ره) اعلامیه‌سیندن تبعیت ائدیب – تهراندا افسر وظیفه اولسا دا – سربازلیقدا قاچیب گیزلین یاشادی و اسلامی انقلابین پیروزلوغو اوچون مختلف فعالیتلر ائله‌دی.

 

اسلامی انقلابین پیروزلوغوندان سونرا

اسلامی انقلابین پیروزلوغوندان سونرا سپاه پاسداران انقلاب اسلامیه عضو اولوب اورمیه سپاهینین سازماندهیسی و استحکامیندا فعال نقش ایفا ایفا ائتدی. سونرا ضرورته گؤره اورمیه دادگاهینین دادستانی(ساوجی) اولدو. سپاه‌دا خدمت ائتدییی زامان 9 آی دا اورمیه شهرداری اولاراق اؤزوندن ده‌یرلی خیدمتلر یادگار قویدو.

شهید مهدی باکری‌نین ائولنمه‌سی، تحمیلی جنگین باشلانماسی ایله مصادف ایدی. خانیمینین کبینی(مهریه) اونون کولت اسلحه‌سی ایدی. عقددن ایکی گون سونرا جبهه‌‎یه گئتدی و ایکی آی سونرا شهره قاییدیب منطقه‌نین مصلحتلرینه گؤره استانین سازندگی جهادی مسولیتینده میلته دیرلی خدمتلر ائتدی.

شهید باکری اورمیه سپاهینین عملیات فرماندهی اولاراق منطقه‌نین شرقه-غربه باغلی اولانلار و مزدورلاردان تمیزلنمه‌سی اوچون چوخ چالیشدی. مختلف مسولیتلرده گئجه‌لی-گوندوزلو فعالیتلرینه رغماً تحمیلی جنگین باشلاماسیندان سونرا اسلامی وطنه تجاوز ائدن بعثی کافرلرله جهاد ائتمه‌یی بیر شرعی وظیفه کیمی بیلیب جبهه‌لره یوللاندی.

 

شهیدین مقدس دفاعداکی نقشی

شهید باکری فتح المبین عملیاتیندا نجف اشرف تیپینین معاونی اولاراق استعداد و شفقتی ایله پیروزلوقلاردا تأثیرلی اولدو. بو عملیاتدا بیر گردان محاصره‌یه اولونموشدو کی او تایسیز شجاعت و تدبیری ایله بیر تعداد نفر ایله اونلاری محاصره‌دن چیخاردی. ائله بو عملیاتدا رقابیه منطقه‌سینده گؤزوندن یارالاندی. بیر آیا یاخین سونرا بیت المقدّس عملیاتیندا (همان مسولیتده) شرکت ائدیب اسلام سپاهینین بعثی متجاوزلره پیروز اولماسینا شاهید اولدو.

بیت المقدس عملیاتینین ایکینجی مرحله‌سینده بئلیندن یارالاندی. یارالاری چوخ اولسا دا عملیاتین اوچونجو مرحله‌سینده، بسیجی قارداشلاری بی‌سیم ایله هدایت ائتمک اوچون فرماندهلیک قرارگاهینا گئتدی.

رمضان عملیاتیندا عاشورا تیپی فرماندهلییی سمتینده، عراق توپراغیندا آمانسیز ساواش آچیب گینه ده یارالاندی آما او هر دفعه یارالاندیقجا جبهه‌لرده داها جیدّیتلی حاضر اولوب نیرولارین تجهیز، سازماندهی و هدایتینده و عملیاتلارین طراحیسینده گئجه‌لی-گوندوزلو یورولمادان چالیشیردی.

مسلم ابن عقیل عملیاتیندا، اونون عاشورا لشکرینه فرماندهلییی و سلحشور رزمنده‌لرین ایثارلاری سایه‌سینده اسلامی ایراننین گؤزل توپراغینین بؤیوک بیر بؤلومو و نئچه ایستراتژیک منطقه آزاد اولدو.

شهید باکری مقدماتی، بیرینجی، ایکینجی، اوچونجو و دؤرونجو والفجر عملیاتیندا، عاشورا لشکری فرماندهی اولاراق غیرتلی و فداکار بسیجیلر ایله متجاوزلر ایله ساواشدا اؤزوندن بؤیوک آماده‌لیک و  هر طرفلی ایثار گؤستردی.

خیبر عملیاتیندا قارداشی حمید اوجا شهادت درج‌سینه ناییل اولدو. اونا خاص علاقه‌یس اولسا دا خانواده‌سینه تئلئفون ائدیب غمگینلیک گؤسترمه‌دن بئله دئدی: حمیدین شهادتی آللاهین لوطفلریندن بیریدیر کی خانواده‌میزین حالینا شامیل اولموشدور. و خانواده‌سینه بیر نامه‌ده بئله یازدی:

من حمیدین وصیتی و آرزوسو اولان کربلا یولونون آچیلماسی اوچون جبهه‌لرده قالیب شهیدین هدفی و یولونا دوام ائده‌جه‌یم اسلام پیروز اولونجایا قدر.

ساواش مئیدانلارینین حساس شرایطینده چوخ چالیشدیغی اوچون قارداشینین تشییع جنازه‌سینده شرکت ائده بیلمه‌دی؛ انقلابدان قاباقکی چوخ خطرلی گونلرده سیاسی مبارزه‌لرده و جبهه‌لرده اونونلا برابر جانفشانلیق ائدن همرزم قارداشی.

شهید باکری و عاشورا لشکرینین نقشی، خیبر قهرمانلیق حماسه‌سی و مجنون جزیره‌لرینین تصرّفونده  هابئله، اونلارین دشمنین توانفرسا پاتکلری قاباغینداکی مقاومتلری، هئچ کسه گیزلین دئییل‌دیر.

بدر عملیاتبنبن مقدّماتینین آماده‌سازلیق مرحله‌سینده گونلر یاواش یاواش گئچسه ده مهدی بوتون نیرولاری مردانه وعارفانه بیر ساواش اوچون تشویق ائدیب هیجانلاندیریردی؛ بیر کامل مرشد و واصل عارف تکین، آللاه یولوندا جهاد ائدنلر و شهادت‌سئورلرین بیلیب ساواش مئیدانیندا عمل ائتمه‌لری لازم اولان شئیلردن دانیشاردی.

 

 

 

شهیدین بدر عملیاتیندان قاباقکی سؤزلری

بوتون قارداشلار تصمیملرینی توتوبلار؛ آنجاق من بو عملیاتین چتینلییینی تأکید ائدیرم. سیز حضرت ابراهیم کیمی اولمالیسینیز کی آللاهین رحمتی حالینا شامل اولدو؛ اونون کیمی اوتا گیرین. آللاه مصلحت گؤرسه دوشمنین صفلرینه نفوذ ائده‌جکسینیز. نهایی حدده مقاوت سیلاحیندان استفاده ائتملی‌ییک.

آللاه مقاوتیمیزی گؤردویو زامان رحمتینی حالیمیزا شامیل ائدر. بیر ییرمی ایکی نفرلیک دسته‌دن بیرجه نفر قالسا دا ائله او بیر نفر مقاومت ائتملی‌دیر فرماندهینیز شهید اولسا دا دئمه‌یین فرماندهیمیز یوخدور جنک ائتمه‌یک کی بو شئیطان وسوسه‌سیدیر.

بیزیم اصلی فرماندهیمیز آللاه و امام زامان‌دیر (عج)؛ اصل اونلاردیر آنجاق بیز موقّتیک، بیز سیزی جنگ مئیدانینا آپارماق اوچون بیر وسیله‌ییک. وظیفه‌میز سون نفسه قدر مقاومت و فرماندهلیکدن اطاعتدیر.

حمله دستورو وئریلمه‌یینجه هئچ کس تیراندازلیق ائتمه‌سین. مجروح اولسا بئله سکوتو رعایت ائتسین دیشلرین سیخیب فریاد ائتمه‌سین.

هر رگبار ایله سبحان الله دئیین. عملیاتدا یورولمایین. هر درگیرلیک و عملیاتدان سونرا شهید و مجروحلاری تخلیه ائدین گینه سازماندهلیک ائدیب ایشهدوام ائدین.

وساییلدن لاپ یاخشی استفاده‌نی ائدین؛ بو کورک سینسا یئرینه آیری کورک یوخدور.بو قاییقلار ایله عملیات ائتملی‌ییک. قوّاصلیق پالتارلارینی یاخشی ساخلایین. بیر ایلدیر بو امکانلارین دالینجاییق.

مهدی عملیات گئجه‌سی دست‌ناماز آلار و بوتون گردانلاری بیر-بیر قرآنین آلتیندا گئچیرر. دواملی توصیه ائدر:

قارداشلار، آللاهی یاددان چیخارمایین امام زامانین آدین زمزمه ائدین. دوعا ائدین ایشیمیز آللاهدان خاطیر اولسون. او بی‌سیم دالیندان دا هامینی «لاحول و لاقوه الا بالله» ذیکرینی دئمه‌یه تشویق ائدر.

عاشورا لشكری سپاهین زمینی نیروسونون آیری عمل ائدن یئگانلارینین کناریندا، بدر عملیاتینین اول گئجه‌سینده دوشمن خطینی سیندیرماغی موفق اولورلار  و سونراکی گون چایین ساحیلینده موضعلرینی تثبیت ائدیرلر.

عملیاتین ایکینجی مرحله‌سینده، عاشورا لشكری طرفیندن نفس توتان بیر حمله دوشمنین، سول جناحی اوچون فشار عامیلی اولان واحیدلرینه باشلاندی. ب حمله دوشمنی کسیب بیچمک، اوندان انتقام آلماق و اونون سول جناحینین نیرولارینا تجاوز ائتمکدن الینی کسمک ایله نتیجه‌لندی.

 

اخلاقی خصوصیتلری

شهید باکری نمونه پاسدار، فداکار وایثارگر فرمانده، صادیق خدمتگزار، صمیمی، مخلص و امام خمینی (ره) ایله اسلامی انقلابین عاشقی ایدی. بوتون وجودو ایله اؤزونو امام خطی پیروو بیلیردی و چالیشیردی حیاتین اونون بویوردوقلاری و توصیه‌لری اساسیندا دوزلتسین. حضرت امامین (ره) دانیشقلارینا دقت ایله قولاق آسیب اونلاری یازیب گؤزو قاباغیندا قویاردی. بو ایشه ائله حساسدی کی خانواده‌سینه سفارش ائتمیشدی کی او حضرتین دانیشیقلارینی ضبط ائتسینلر آنجاق موفق اولماسالار روزنامه یولو ایله اله گتیرسینلر.

او امامین سؤزلرینین الهی آیه‌لریندن الهام آلیندیغینا اینانیردی؛ گؤزوموزون قاباغیندا اولمالیدیر تا همیشه اونلاری گؤروب اونوتمایاق.شهید باکری وارسته و خودساخته بیر انساندی کی شرایط محیّا اولسادا دونیانین مادّی مظهرلری و لذّتلریندن اوز چئویرمیشدی.

اونون ساده و ریاسیز حیاتی تانیانلارین دیلیندن دوشمزدی. تواناییلری ایله لاپ مرفّه بیر حیاتی اولابیلردی آما همیشه بیر بسیجی کیمی یاشاردی. طبیعی حقی اولان امکانلاری بئله ایسته‌مزدی.  تواضعو باعث اولاردی اونو تانیماسینلار اورکلر محبوبویدو. هامی اونو سئوردی و اورکدن فرمانینا قولاق آساردیلار. او دا بسیجیلری سئوردی. دئیردی:

بسیجیلر ایله یئریینده آیری بیر حال تاپیرام یورولاندا بسیجیلرین یانینا گئدیرم کی اونلاردان روحیه آلام و یورغونلوغوم چیخسین.

هامیمیز بو بسیجیلرین جانینا گؤره مسئولوق؛ اونلارین جانینی حیفظ ائتمه‌یه بیر سنگری دوزلتمک بیزه بیر میلیون تومنه باخسا دا بیر بسیجینین بیر توکو اونون یوز قاتی قدر ارزشلی‌‌دیر.

اسلام و انقلاب دوشمنلری مقابیلینده فتح‌اولونماز پولاد بیر قلعه کیمییدی و آللاه دوستلاری مقابیلینده جذّاب و سئویملی چهره‌سی واردی.

همیشه غملی اولسا دا گولر اوزلو گؤرونوردو. همیشه خدمته آماده و گوجلویدو.

حجت‌الاسلام والمسلمین شهید محلاتی شهید باكری حقینده دئیرلر:

او آللاه ایله اسلام دوشمنلری مقابیلینده آللاه غضبینین مظهری و نمونه‌سییدی. عصبیلییی آنجاق دوشمنلر اوچون ایدی، فرمانده اولاراق تقوالی و الی‌آلتینداکیلار ایله رأفتلی و محبّتلی رفتار ائتمه‌سینه گؤره اولگو ایدی.

شهید باکری‎نین خانیمی اونون ائوده‌کی اخلاقینا گؤره دئییر:

بوتون یورغونلوقلار، یوخوسوزلوقلار و قاچماقلارا رغماً یورغونلوغونو بیلندیرمه‌ییب ائوه شاد گیرردی. مومکون اولسایدی ائو ایشلرینده منه کؤمکلیک ائدردی؛ پالتار یویاردی، قاب یویاردی و اؤز ایشلرینی اؤزو گؤرردی.

بیر شئیدن عصبی و ناراحات اولسایدیم صبر، حؤوصله و سوغوق‌قانلیلیق(خونسردی) ایله و مکتبی دلیللرله منی قانع ائدردی.

دوستلاری و سنگرداشلاری نقل ائدرلر:

دینی واجیبلره عمل ائتمه‌یه مقیّد اولدوغو قدر مستحبلره ده مقید ایدی. گئجه یاریسی یوخودان اویانیب آللاهی ایله خلوت ائدردی. گئجه نامازینی آغلایاراق قیلاردی. قرآن اوخوماق گونده‌کی واجیب ایشلریندن ایدی و آیریلاری دا بو ایشه سیفاریش ائردی.

شهید باکری بیت‌المالین حیفظی و اونون اهمیتیینده چوخ توجه‌لی ایدی. خانیمینی رزمنده‌لرین چؤریین یئمکدن بئله و بیت‌المال قلمی ایله یازمقدان – بیر نئچه کلمه اولسا دا – منع ائدردی. همرزملری، اونون فرمانده اولاراق لاپ کؤهنه بسیجی پالتارینی اوزون مدت استفاده ائتدیینه گؤره اعتراض ائتدیکلری زامان دئیردی: استفاده اولونانا قدر ائده‌جه‌یم.

همیشه شهید خانواده‌لرینه یئتیشمه‌یی تأکید ائدردی و اژونه مومکون اولسایدی لشکر مسئوللاری ایله هر عملیاتدان سونرا ائولرینه گئدردی و اونلاری یوخلاییب موشکیللرینین حلّینه چالیشاردی.

او دئیردی:

بوگون شهید خانواده‌لری دسته‌سینده اولماق بیر فخردیر و بئله بیر یاشاییش لاپ فضیلتلی یاشاییشلارداندیر.

 

 

شهادتی

 

قارداشی حمید و بعضی یارلارینین شهید اولماسیندان سونرا، روحو جیسمینده‌ قرارسیز ایدی و تئزلیکله اونلارا قوووشاجاغی بللی ایدی. اون بئش گون بدر عملیاتیندان قاباق مقدّس مشهده مشرف اولوب تضرّع ایله آغا علی ابن موسی الرّضادان ایسته‌ییبدیر کی آللاه اونا شهید اولماق توفیقینی نصیب ائتسین. سونرا حضرت امام خمینی (ره) و حضرت آیت الله خامنه‌ای‌نین خیدمتینه یئتیشیب آغلاماق، اصرار و التماس ایله شهید اولماسی اوچون دوعا ائتمه‌لرینی ایسته‌دی.

بو دلاور فرمانده 25/11/63 گونو بدر عملیاتیندا عملیاتین حساس شرایطینه گؤره، همیشه‌کی کیمی ساواشین لاپ چتین صحنه‌لرینه وارد اولدو. لشکرین رزمنده‌لرینی دجله‌نین ساغیندا یاخیندان هدایت ائدرک چالیشیردی تصرف اولموش موضعلری دوشمنین پاتکلری مقابیلینده تثبیت ائتسین کی بیر دلیرانه چاتیشمادا (نبرد) عراق مزدورلاری تیرینین مستقیماً ده‌یمهسی نتیجه‌سینده حق چاغریسینی لبیک دئییب معشوق لقاسینا ناییل اولدو.

پاک جیسمینی هورالعظیم سولاری یولو ایله داشیدیقلاری زامان، جیسمینی داشییان قاییق دوشمن آرپیجیسینه هدف الوب بیر قطره کیمی دنیزه قاتیلدی.

اهل بیته (ع) درین سئوگیسی، ابا عبدالله الحسینه (ع) آتشلی عشقی، تقوا توشه‌سی و بیر عؤمور آللاه یولوندا جهاد ایله همرزملریندن سبقت آلیب دوست یوردونا گئتدی و آللاهین بهشتینده قورتولماز نعمتلره یئتیشدی. شهید باکری اؤزنو آللاهین نعمتلری مقابیلینده شرمنده گؤرردی فقط آللاهین تام لوطف و کرمینه امیدوار ایدی. وصیتنامه‌سینده واردیر کی: نه ائدیم کی الی‌بوشام آللاهیم منی قبول ائت.

شهید محلاتی اونون بوتون ده‌یرلی خصلتلریندن، معرفتینه اشاره ائدیب اونون شهادت مراسیمینده، اونون، معبودو ایله عاشقانه رازونیازین شهیدین دیلینجه بئله بیان ائدر:

آللاهیم سن نه قدر سئوملی و پرستیش ائدیله‌سیسن، قان اولوب دامارلاریمدا آخمالییدین تا بوتون سلّوللاریم  دا یا رب یا رب دئیه‌یدیلر.

بو عارفانه سؤز، او اوجامقاملی شهیدین خلوصلو و اوجا روحونون بیانگریدیر کی آنجاق خودسازی و معنوی سیر و سلوک سایه‌سینده اونا چاتمیشدی.

 

 

خاطره‌لر

۱-جی خاطره

امامین بیتینده مهدینی گؤروب دئدیم: "آغا مهدی سنه گؤزل یوخولار گؤروبلر... دئه‌سن سیز ده... بلی..." گولومسه‎ییب تعجبله سوروشدو: "نه خبر اولوب؟" دئدیم: "بوتون خبرلر سیزده. گردان فرمانده‌لرینین بیری کی بیر آی قاباق شهید اولدو، یوخودا گؤرموشدو کی بهشتده گؤزل بیر ائو دوزلدیرلر." سوروشموشدو: " بو ائوی کیمین اوچون آماده ائدیرسینیز." دئییبلر: "بیریسی بهشتلیلره قاتیلاجاق." گینه سوروشموشدو: "او کیمدیر؟" سونرا دینمه‌دیم. مهدی مشتاقجا باشینی ترپدیب دئدی: "یاخشی، دوام ائت." دئددیم: "دئدیلر: مهدی باکری بورایا گلجک. خلاصه کی، آغا ملکلری چوخ زحمته سالیبسان." باشین آشاغی سالدی، اوزو قیزاردی و یاواشجا دئدی: "آللاه بنده‌سی بو گؤردویوموز ایشلرله مگر بسیجیلر قویارلار کی بهشته گئدک؟ بهشت قاپیسندا دوروب بیزه یول وئرمزلر. سونرا آشاغی گئدیب مندن اوزاقلاشدی. داها مطمئن ایدیم کی مهدی یار فراغی گونلرینین آخیرلارینی سووور.

 

۲-جی خاطره

بیر گون مدرسه‌دن ائوه گلیر. قیزارمیش اللری و یاناقلاری جانینا اوتورموش سویوغو گؤرسه‌دیر. آتاسی او گئجه تصمیم توتر اونا بیر پالتو تهیه ائتسین. ایکی گون سونرا تازا و گؤزل بیر پالتو ایله مدرسه‌یه گئدیر. آخشام ائوه قاییداندا ناراحیتلیقدان پالتویو اوتاغین بوجاغینا آتیر. خانواده‌سینین بوتون عضولری اونا تعجبله باخیر. مهدی گوزلریندن یاش آخاراق دئییر: "نئجه راضی اولارسیز من پالتو گئییم یانیمداکی یولداشیم سویوقدان تیتره‌سین."

 

 

وصیتنامه

 عزیزلریم، اگر گئجه‌لی-گوندوزلو آللاها شکر ائتسک کی اسلام و امام نعمتینی بیزه عنایت ائتدی، گینه ده آزدیر. آگاه اولاق کی دوز نیّتلیلیک و عملده خلوص تکجه چاره‌میزدیر. ... بیلین کی اسلام بیرجه نجات و سعادت یولوموزدور.

...همیشه یادینیزدا آللاه اولسون و اونون فرمانلارینا عمل ائدین. امامین دالیندا دورون و اورکدن اونون مقلّدی اولون. دوعا، اباعبدالله و شهیدلرین مجلسلرینه چوخ اهمیت وئرین کی سعادت یولو و آخرت توشه‌سیدیر. هر زامان زینبی و حسینی تربیت اولون و اونلارین رسالتینی اؤز رسالتینیز بیلین. اوشاقلارینیزی دا ائله تربیت ائدین کی اسلام اوچون  ایمانلی و شهادت‌سئور سربازلار و حضرت ابوالفضلین (ع) وارثی و صالئح علمداری اولسونلار.

 

 

 

بو یازیغین بوتون مادی و معنوی حق لری علی احمدیه تعلوقو وار.

 

 

 

دوشنبه 17/8/1389 - 1:3 - 0 تشکر 249013

سلام
دوست گرامی، ما که ترکی نمی دونیم چطور باید استفاده کنیم؟؟؟ اگه ترجمه ی فارسیش رو بذارید ممنون می شم
یاعلی

 السلام علیــــــــــک یا ابا عبدالله

 

ای شیـــــعه تو را چه غــم ز طوفـــان بلا

آن جا که سفینة النجـــــــاة است حسیـــــن (ع)

 

یابن الحســـــن روحـــــــــی فداک

دوشنبه 17/8/1389 - 20:5 - 0 تشکر 249265

البته خب ما که زبان شیرین ترکی بلد نیستیم ... خب من چیز هایی به نظرم می رسه ... راه خوبیه به نظرم... انشالله موفق باشید

جمعه 21/8/1389 - 19:36 - 0 تشکر 250259

سلام مجدد. من منتظر ترجمه اشم. لطفا.

 السلام علیــــــــــک یا ابا عبدالله

 

ای شیـــــعه تو را چه غــم ز طوفـــان بلا

آن جا که سفینة النجـــــــاة است حسیـــــن (ع)

 

یابن الحســـــن روحـــــــــی فداک

يکشنبه 23/8/1389 - 21:35 - 0 تشکر 250889

خیلی ممنون از توجهتون!!
دیگه نیازی نیست زحمت بکشید.
خودم کتابشو رو تهیه می کنم
یاعلی

 السلام علیــــــــــک یا ابا عبدالله

 

ای شیـــــعه تو را چه غــم ز طوفـــان بلا

آن جا که سفینة النجـــــــاة است حسیـــــن (ع)

 

یابن الحســـــن روحـــــــــی فداک

دوشنبه 24/8/1389 - 12:17 - 0 تشکر 251036

خصوصیت این بحث به ترکی بودنشه.
البته اگه ترجمه فارسیش هم قرار می دادید بهتر بود.

من مفتخرم که در به رویم وا شد     ماتم کده ی غمت مرا مأوا شد

من مفتخرم نامه عمر سیهم        با اشک غمِ تو شسته و امضا شد

اینجا و میان قبرو محشر گویم     من مفتخرم که مادرم زهرا(س)شد

  http://www.ahlebasyrat.blogfa.com

دوشنبه 24/8/1389 - 12:31 - 0 تشکر 251039

اگر می خواستم که فارسی ثبتش کنم همون اول فارسی ثبت می کردمش.
چیزی که فراوون فارسیه تورکی کمیابه

 

 

 

برو به انجمن
انجمن فعال در هفته گذشته
مدیر فعال در هفته گذشته
آخرین مطالب
  • آلبوم تصاویر بازدید از کلیسای جلفای...
    آلبوم تصاویر بازدید اعضای انجمن نصف جهان از کلیسای جلفای اصفهان.
  • بازدید از زیباترین کلیسای جلفای اصفهان
    جمعی از کاربران انجمن نصف جهان، در روز 27 مردادماه با همکاری دفتر تبیان اصفهان، بازدیدی را از کلیسای وانک، به عمل آورده‌اند. این کلیسا، یکی از کلیساهای تاریخی اصفهان به شمار می‌رود.
  • اعضای انجمن در خانه شهید بهشتی
    خانه پدری آیت الله دکتر بهشتی در اصفهان، امروزه به نام موزه و خانه فرهنگ شهید نام‌گذاری شده است. اعضای انجمن نصف جهان، در بازدید دیگر خود، قدم به خانه شهید بهشتی گذاشته‌اند.
  • اطلاعیه برندگان جشنواره انجمن‌ها
    پس از دو ماه رقابت فشرده بین کاربران فعال انجمن‌ها، جشنواره تابستان 92 با برگزاری 5 مسابقه متنوع در تاریخ 15 مهرماه به پایان رسید و هم‌اینک، زمان اعلام برندگان نهایی این مسابقات فرارسیده است.
  • نصف جهانی‌ها در مقبره علامه مجلسی
    اعضای انجمن نصف جهان، در یك گردهمایی دیگر، از آرامگاه علامه مجلسی و میدان احیا شده‌ی امام علی (ع) اصفهان، بازدیدی را به عمل آوردند.
  • وبگردی